Turkiska ákæruvaldið kannar Spotify

Ákæruvaldið í Istanbul hevur sett í verk eina kanning av stroymingartænastuni, Spotify.

Orsøkin er, at samskiftisskrivstovan hjá turkiska forsetanum hevur fingið kærur um “særandi islamofobiskt” innihald á spælilistum hjá privatfólki.

Tað veit stjórnarvinarliga tíðindasíðan, Daily Sabah, at siga.

Kærurnar siga heitini á spælilistunum gera seg inn á átrúnað, átrúnaðarligar leiðarar og almennar tænastumenn.

Sambært óhefta turkiska dagblaðnum, Ahval, skal ein av listunum hava “sangir, ið sparka Adam út úr paradísinum”.