Fáa fatur á øðrum ferðafólkum

Norska flogfelagið Widerøe flýgur nú fimm ferðir um vikuna millum Bergen og Vágar.

Flogið verður allar dagar uttan hósdag og leygardag.

Widerøe byrjaði at flúgva til Føroya í september í fjør. Tá var flogið tvær ferðir um vikuna.

Flestu ferðafólki eru norðmenn

- Hetta seinasta árið hevur víst okkum, at vit við einum nýggjum felagi á marknaðinum fáa fatur í ferðafólkum, vit ikki hava sæð í sama mun áður. Samansetingin av ferðafólkunum er ein onnur enn tann, vit fyrr hava sæð. Størsti parturin eru norðmenn, sigur Regin I. Jakobsen, stjóri í Vága floghavn.

Widerøe brúkar Bombardier Dash 8 Q400 flogfør, sum taka 78 ferðafólk.