Talgildar samráðingar um makrel

Samráðingarnar um makrelbýtið millum strandalondini skuldu vera í Edinbourg í dag og í morgin.

Men tær vera talgildar, tí bretar, sum hava formansskapin í samráðingunum nú, vildu ikki, at samráðingarfólkini komu til Bretlands, nú drotningin doyði.

Miðja eftir semju í 2023

Næsta samráðingarumfar verður í Íslandi seinni í september, og londini miða eftir at fáa semju um makrelbýtið í 2023 í seinasta lagi á ársfundinum fyrstu vikuna í oktober.

Tann fundurin verður í London.

makrelfiskiskapur

Hava avtalu við Noreg

Føroyar hava gjørt avtalu við Noreg um makrelfiskiskap.

Avtalan sigur, at føroysk skip sleppa í norskan sjógv eftir makreli, og norsk skip sleppa í føroyskan sjógv eftir makreli.

Avtalan er ikki komin heilt undir land, so Fiskimálaráðið vil ikki enn upplýsa, hvussu nógv tons, hon umfatar.