Donsku venjararnir uppsagdir

15.09.2022 - 13:38
ÍtrótturFlogbóltur
Donsku venjararnir uppsagdir
Donsku venjararnir hjá føroysku flogbóltslandsliðunum, Jens Bang og Lars Engell, sleppa ikki at halda fram. Flogbóltssambandið vil, at venjararnir búgva í Føroyum
Jens Bang er ikki longur venjari hjá føroysku flogbóltsmonnunum
Mynd: CEV  
 

Donsku venjararnir hjá føroysku flogbóltslandsliðunum eru uppsagdir. 

Flogbóltssamband Føroya boðar frá, at samstarvið við Jens Bang og Lars Engell er steðgað.

Jens Bang hevur seinasta árið verið høvuðsvenjari hjá føroyska A-landsliðnum og U19-landsliðnum við monnum, meðan Lars Engell síðan 2019 hevur staðið á odda fyri somu liðnum hjá kvinnum.

Sambært Flogbóltssambandinum er tað serliga eitt ynski um, at landsliðsvenjararnir skulu búgva í Føroyum, sum ger, at Jens Bang og Lars Engell ikki sleppa at halda fram.

 - Hetta er meira praktiskt og er hartil eisini bíligari, sigur flogbóltssambandið. 

FBF hevur gjørt samstarvsavtalu við altjóða flogbóltssamgonguna, FIVB, um serfrøðingahjálp til menning av føroyska landsliðsarbeiðnum. Talan er um sonevndar High Performance Managers, sum FIVB skal stuðla FBF við.

 - Tí hevur tað eisini týdning, at tann serfrøðin, sum føroyskur flogbóltur fær burtur úr hesum verður verðandi eftir í Føroyum - bæði á leikarasíðuni men eisini á venjarasíðuni, sigur FBF.

Boban Ilic, sum hevur spælt og vant flogbólt í Føroyum seinastu 22 árini, verður høvuðsvenjari hjá føroysku flogbóltsmonnunum, og Christian Imhoff heldur fram sum hjálparvenjari.

Leitað verður eftir einum venjaratoymi til kvinnurnar. Kristian Mikkelsen, sum hevur verið hjálparvenjari hjá landsliðnum við kvinnum, skal í fyrstu syftu hjálpa til við kappingum hjá U17- og U19-landsliðnum við kvinnum, sum tær skulu til í næstum.

Bæði landsliðini hava í ár verið við í sínum fyrstu CEV-undankappingum. Bæði liðini endaðu aftast í sínum bólki. 


Lars Engell hevur verið venjari hjá landsliðnum við kvinnum síðan 2019
Er kopiera
Nýggjastu sendingar í ÚV
Mikudag 28. september
LEITISSTEIN 27.09.2022 (Trucker Frank)
145448
Mikudag 28. september
Góðan morgun Føroyar 28.09.2022
145443
Mikudag 28. september
Morgunlestur mikudagur 28. september 2022
145186
Týsdag 27. september
Ljóarin 27. september 2022
145415
Nýggjastu sendingar í SV
Mánadag 26. september
3-2
145358
Sunnudag 25. september
Sangmøti í Ebenezer.
145276
Sunnudag 25. september
Andakt við Palla Petersen
145275
Mánadag 19. september
3-2
145026
Sunnudag 18. september
Andakt við Karinu Magnussen
144956