Sleppa aftur at ala mink í Danmark

23.09.2022 - 13:58
AktueltÚtheimurin
Sleppa aftur at ala mink í Danmark
Avgerðin er tikin í samráð við heilsumyndugleikarnar, men ivasamt er, hvussu stórur áhugi er fyri at taka minkaalingina uppaftur
Nú verður loyvt at ala minkar aftur í Danmark, men áhugin tykist vera lítil og eingin.
 

Danska stjórin ætlar aftur at geva loyvi til at ala mink.

Avgerðin er tikin í samráð við heilsumyndugleikarnar.

Danski matvøruráðharrin, Rasmus Prehn, sigur, at avgerandi í málinum er, at heilsumyndugleikarnir siga, at tað er í lagi at fara at ala mink.

- Eftir tí, sum serkunnleikin metir, verður farið undir aftur at ala mink undir eftirliti, sigur ráðharrin.

Hann fer seinnapartin á fund við minkaalarar at greiða teimum frá ætlanunum hjá stjórnini.

 

Rasmus Prehn er ráðharri í matvørumálum í Danmark. (Mynd: Ritzau Scanpix)

 

Lítil áhugi at byrja aftur

Tað er Serumstovnurin, sum hevur mett, bert smáir møguleikar eru fyri heilsuni hjá fólki, um farið verður undir aftur at ala mink í januar.

Tage Pedersen, formaður fyri donsku minkagarðarnar, segði í august, at fáir alarar fara at byrja av nýggjum. Tá hevði bert tann eini sagt seg fara at ala aftur.

15 alarar hava søkt um endurgjald fyri, at minkarnir vóru tiknir av, og ivasamt er, hvussu nógvir av teimum fara undir aling aftur, sigur hann við Ritzau.

Í november í 2020 gjørdi danska stjórnin av at taka allar minkar av, tí illgruni var um, at teir kundu breiða koronusmittuna.

Tað vísti seg ikki at vera lógarheimild at taka minkarnar av, og úrslitið var, at táverandi matvøruráðharrin, Mogens Jensen, mátti leggja frá sær.

Er kopiera
Nýggjastu sendingar í ÚV
Mikudag 28. september
LEITISSTEIN 27.09.2022 (Trucker Frank)
145448
Mikudag 28. september
Góðan morgun Føroyar 28.09.2022
145443
Mikudag 28. september
Morgunlestur mikudagur 28. september 2022
145186
Týsdag 27. september
Ljóarin 27. september 2022
145415
Nýggjastu sendingar í SV
Mánadag 26. september
3-2
145358
Sunnudag 25. september
Sangmøti í Ebenezer.
145276
Sunnudag 25. september
Andakt við Palla Petersen
145275
Mánadag 19. september
3-2
145026
Sunnudag 18. september
Andakt við Karinu Magnussen
144956