Rættarnevndin viðger nú gongd í haga

Rættarnevndin hjá løgtinginum fer nú at viðgera uppskotið til samtyktar um rættin hjá føroyingum at ganga í haga ókeypis.

Javnaðarflokkurin eigur uppskotið. Uppskotið er á skránni hjá nevndini í dag.

Men veruliga viðgerðin byrjar fríggjadagin, tá innkallingar eru.

Jógvan Páll Lassen, advokatur, Hagafelagið, Bóndafelagið, Óðalsfelagið, Visit Faroe Islands, Tummas Rubeksen, bóndi, Ólavur Reinert, bóndi, og landsstýrismaðurin í umhvørvis- og vinnumálum eru biðin um at hitta rættarnevndina fyrrapartin fríggjadagin.

Í dag eru ófráboðaðir fyrispurningar á tingfundinum.

Og uppskotið til samtyktar hjá Framsókn um fíggjarpolitiskt regluverk er eisini á skránni.