- Tíðindi, mentan og ítróttur
Bárður hittir Støre mikudagin
Bárður hittir Støre mikudagin
Løgmaður og norski forsætisráðharrin fara m.a. at viðgera fiskiveiðusamstarvið, sum bæði londini hava við Russland
Bárður á Steig Nielsen, løgmaður.
10.10.2022 - 13:53
Bárður á Steig Nielsen, løgmaður, fer til Noregs í morgin, og hann fer at hava fund við norska forsætisráðharran, Jonas Gahr Støre, mikudagin.
Løgmansskrivstovan boðar frá, at farið verður til Oslo í morgin, og at fundurin teirra millum er mikudagin.
Á fundinum fara løgmaður og forsætisráðharrin millum annað at viðgera, hvussu Føroyar og Noreg kunnu styrkja um samstarvið, eitt nú á fiskivinnuøkinum. Eisini fara teir at umrøða fiskiveiðusamstarvið, ið bæði Føroyar og Noreg hava við Russland.
Fundurin verður fyrrapartin í Statsministerboligen, sum er almenni bústaðurin hjá norska forsætisráðharranum.
Jonas Gahr Støre er norskur forsætisráðharri. (Mynd: Ritzau Scanpix)
Er kopiera
Nýggjastu sendingar í ÚV
Nýggjastu sendingar í SV
