- Tíðindi, mentan og ítróttur
Myndir: Sofía fann friðin millum djórini í Elduvík
Myndir: Sofía fann friðin millum djórini í Elduvík
- Eg skilji betur djór enn menniskju, sigur Sofía Thorsvig Kajsdóttir í dokumentarinum Sofía & djórini, sum verður sendur hóskvøldið
16.10.2022 - 19:00
Hóskvøldið eftir Dag og Viku sendir Kringvarp Føroya ein forvitnisligan dokumentar, sum nevnist Sofía & djórini.
Í dokumentarinum fylgja vit Sofíu Thorsvig Kajsdóttir, sum rýmdi heim aftur til Føroya, tá korona brast á; og nú hevur funnið friðin í Elduvík, har hon hevur fingið sær ein djóragarð.
Djóragarðurin er á trøðni, sum familjan eigur longur inni í dalinum - einar 100 metrar frá bygdini.
Hvønn morgun, hvønn seinnapart og hvørt kvøld vitjar Sofía djórini. Oftast hevur hon báðar hundarnar við sær.
Djórini fylgja Sofíu trúføst, tá hon gongur longur oman eftir trøðni at geva teimum.
Næstan øll djórini hava nøvn. Hesin ungi hanin eitur Sangfuglur. Tann vaksni hanin eitur Pavarotti.
Kalkunirnar hava tó eingi nøvn. Tí tað er vónleyst at síggja mun á teimum.
Sofía kannar, um dunnurnar hava vorpið.
Sofía hevur altíð elskað djór. Men tað var ikki fyrr enn korona brast á, og hon var flutt aftur til Elduvíkar, at hugskotið um ein djóragarð spretti.
Sendingin Sofía & djórini verður send hóskvøldið kl. 19.25.
Er kopiera
Nýggjastu sendingar í ÚV
Leygardag 21. februar
TEMAPLÁTAN: 'Into The Gap' og aðrar útgávur, Thompson Twins 1983-1984-1985
204307
Nýggjastu sendingar í SV
