Valdagurin í Kringvarpinum var væleydnaður

Um KVFTíðindi
Valdagurin í Kringvarpinum var væleydnaður
Umleið 70 fólk vóru til arbeiðis í Kringvarpinum til fólkatingsvalið 31. oktober
Mynd: Bjarni Árting Rubeksen  
 
11/02/2022 - 15:00

Hvussu fyrireikar Kringvarpið seg til stóra valkvøldið, og hvørjar eru uppgávurnar?

Kringvarpið spælir ein stóran leiklut, tá val er í Føroyum. Fyriuttan at viðgera valstríðið eru allar deildir í Kringvarpinum til arbeiðis sjálvan valdagin. Tíðindafólk eru eyðvitað til arbeiðis í útvarpinum og sjónvarpinum, men eisini umsiting og tøknideild hava úr at gera.

Tað er fólkatingsvalnevndin, sum hevur ábyrgdina av at skipa fyri fólkatingsvali, og Kringvarpið hevur í nógv ár havt avtalu við ymsu valnevndirnar um at vera móttøkustað fyri valúrslitini. Kringvarpið hevur ment eina valskipan, har valúrslitini verða tøppað inn og samantald. 

 

 

27.159 føroyingar nýttu sín valrætt til fólkatingsvalið mánadagin, og tey 57 valstøðini tøppaðu valúrslitini inn í valskipanina so líðandi, tá valstøðini lótu aftur á kvøldi. Summi valstøð høvdu ikki netsamband og ringdu tá úrslitini inn til Kringvarpið. 

 

 

Nógvar fyrireikingar hava verið vikurnar undan valinum. Farið varð undir at byggja nýtt studio í august mánaði, sum stóð liðugt fyrst í oktober. Studio bleiv tikið í nýtslu til Dag og viku mánakvøldið 3. oktober, og síðani fóru fyrireikingarnar til valið í gongd, tá tað varð útskrivað. Eisini er nýggj útgerð keypt, og grafikkskipanir settar upp av nýggjum, so starvsfólkini í Kringvarpinum hava havt nógv um at vera. 

 

 

Umleið 70 starvsfólk í Kringvarpinum vóru til arbeiðis valkvøldið. Tað er altíð ein ávísur spenningur í húsinum upp undir valið. 

 

 

Hoyr meira um fyrireikingarnar til fólkatingsvalið í Ljóaranum frá 1. november, tá Gunnar Nolsøe gjørdi samrøðu við Kára Poulsen og Jákupu Mikkelsen, ávikavist tøkni- og fyrisitingarleiðari í Kringvarpinum. 

 

Nýggjastu sendingar í ÚV
Leygardag 3. desember
Morgunlestur leygardagur 3. desember 2022
148597
Fríggjadag 2. desember
Vikuskiftið 2 des 2022
148888
Fríggjadag 2. desember
Øðrvísi á Gentuvesinum
148882
Fríggjadag 2. desember
Miðflokkurin í Tinginum
148869
Fríggjadag 2. desember
Góðan morgun Føroyar 02. desember 2022
148849
Nýggjastu sendingar í SV
Fríggjadag 2. desember
Javnaðarflokkurin í Andglettinum
148751
Fríggjadag 2. desember
Miðflokkurin í Tinginum
148852
Hósdag 1. desember
Fólkaflokkurin í Andglettinum
148527
Hósdag 1. desember
Val kring landið - Hov
148799

Um kvf css