Herjólfur III siglir framvegis í Íslandi

Herjólf­ur III, sum skuldi koma aftur til Føroya nú, kemur ikki fyribils.

Tí Herjólfur IV, sum Herjólfur III avloysir, fór ikki sum ætlað aftur í siglingina til Vestmannaoyggjarnar um vikuskiftið.

Hann var ikki meira enn komin av skipasmiðjuni í Íslandi, tá hann noyddist aftur hagar.

Nú verður bíðað eftir eykalutum úr Niðurlondum, skrivar Morgunblaðið.

Avloysir næstu vikurnar

Blaðið skrivar, at Herjólf­ur III avloysir næstu vikurnar. Herjólfur III fór til Íslands fyrst í oktober.

Tá var sagt, at hann verður í Íslandi í tríggjar ella fýra vikur.

Tá kemur hann aftur til Føroya, fer hann at sigla við farmi á suðuroyarleiðini.

Strandfaraskip landsins hava leigað Herjólf III til september næsta ár.