Dómurin í Eik-málinum útsettur til 10. januar

Dómurin í Eik-málinum útsettur til 10. januar
Ætlanin var at siga dómin í morgin, men nú hevur Landsrætturin boðað pørtunum frá, at dómurin er útsettur
Dómurin í Eik-málinum verður sagdur í Keypmannahavn og sendur í telduposti til Føroya.
 
21.11.2022 - 09:04

Dómurin hjá Eystara landsrætti í Eik-málinum kemur ikki í morgin kortini.

Hann er útsettur til 10. januar næsta ár.

Fimta deild hjá Eystara landsrætti kemur til Føroya í dag.

Ætlanin var at siga dómin í Eik-málinum í Dómhúsinum í Havn í morgin ári klokkan trý korter til níggju.

 

Eingin grundgeving

Men Landsrætturin hevur nú boðað pørtunum frá, at dómurin kemur ikki fyrr enn týsdagin 10. januar. 

Eingin grundgeving er saman við fráboðanini.

Eystari landsrættur verður ikki í Føroyum í januar, so dómurin verður sagdur í Keypmannahavn og sendur í telduposti til Føroya.

Eik-málið er millum Fíggjarligt støðufesti og teir tríggjar Eikmenninar, Marner Jacobsen, sum var forstjóri, Frithleif Olsen, sum var nevndarformaður, og Odd Bjellvåg, sum var næstformaður í Eik.

  

Er kopiera
Nýggjastu sendingar í ÚV
Nýggjastu sendingar í SV
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442