Konservative fer ikki í samgongu

Konservative fer ikki í samgongu
Konservativi flokkurin hjá Søren Pape Poulsen hevur tikið seg úr samgongusamráðingunum
Søren Pape Poulsen, formaður í Konservative
Mynd: Scanpix  
 
03.12.2022 - 16:53

Konservativi flokkurin í Danmark hevur í dag tikið seg úr samgongusamráðingunum.

Tað skrivar floksformaðurin Søren Pape Poulsen á Facebook.

Formaðurin skrivar, at Konservativi flokkurin og Sosial-demokratarnir hava havt ein heilhjartaðan áhuga í at vita, hvussu nógv teir kundu nærkast hvørjumøðrum.

"Men: Tá alt kemur til alt, so haldi eg ikki, at tað er sambæriligt við tey lyfti vit góvu í valstríðnum, og tað eg havi sagt um eina slíka stjórn", skrivar Søren Pape Poulsen og leggur afturat, at allur tingbólkurin hjá teimum Konservativu tekur undir við avgerðini um ikki at fara í stjórn saman við Sosial-demokratunum.

Síðani fólkatingsvalið 1. november hevur sosial-demokratiski forsætisráðharrin Mette Frederiksen roynt at skipa eina breiða stjórn tvørtur um miðjuna av donskum politikki. Í farnu viku vórðu Eindarlistin, Alternativið og Nýggju Borgarligu sáldaði frá.

Tey, sum nú sita eftir við samráðingarborðið, eru umframt Sosial-demokratarnar Vinstriflokkurin, Moderatarnir, SF og Radikali Vinstraflokkurin. Harumframt eru Liberal Alliansa og Danski Fólkaflokkurin á "tilkallivakt", sum eygleiðarar taka til.

Er kopiera
Nýggjastu sendingar í ÚV
Fríggjadag 29. mars
Úr Koltri til Kirkjubøar (2:2)
172480
Fríggjadag 29. mars
Guðstænasta úr Hvannasunds kirkju
172951
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584