HM-endabresturin í Kringvarpinum

Megnar Lionel Messi at gera Diego Maradona kynstrið eftir og vinna heimsmeistaraheitið fyri Argentina, skal glóðheiti Kylian Mbappé gerast tvífaldur HM-vinnari bert 23 ára gamal, ella verður tað Ongland við Harry Kane á odda, sum loksins fer avstað við fyrsta gullinum síðan 1966? 

Og hvønn leiklut fær Neymar? Brasil er flúgvandi og sýnir kanska besta fótbóltspælið í HM-kappingini higartil. 

Hesir leikararnir verða – hvussu víkur og vendir – at síggja í HM-fjórðingsfinalunum. Luka Modric og Kroatia hava eisini tryggjað sær pláss millum tey síðstu átta í Katar, meðan Cristiano Ronaldo og Portugal fara á vøllin í kvøld.

Í Kringvarpinum kann hvør nærdystur, hvør bjarging og hvørt mál síggjast. Tíggju dystir eru eftir at spæla, áðrenn heimsmeistarin er funnin, og teir verða allir vístir beinleiðis í sjónvarpinum ella á kvf.fo.  
 

Dystaryvirlit:

Áttandapartsfinalur

06.12 kl. 15.00: Marokko – Spania 
06.12 kl. 19.00: Portugal – Sveis

Kvartfinalur

09.12 kl. 15.00: Japan/Kroatia – Brasil/Suðurkorea
09.12 kl. 19.00: Holland – Argentina
10.12 kl. 15.00: Marokko/Spania – Portugal/Sveis
10.12 kl. 19.00: Ongland – Frakland

Hálvfinalur

13.12 kl. 19.00

Bronsudystur

17.12 kl. 15.00

Finala

18.12 kl. 15.00