Sáttmáli gjørdur fyri Føroya Tele og Posta

Starvsfelagið og Føroya arbeiðsgevarafelag hava gjørt nýggjar sáttmálar fyri Føroya Tele og Posta.

Limirnir í Starvsfelagnum í Føroya tele fáa 7,57 prosent meira í løn næsta ár og í 2024, og tey í Posta fáa 7,27 prosent.

Sáttmálarnir eru galdandi frá 1. januar 2023 til 1. januar 2025.

Lønarhækkingin svarar til tað, sum onnur feløg á privata arbeiðsmarknaðinum hava fingið fyri sama tíðarskeið.

Eftirløn av yvirtíðarløn

Frá 1. januar komandi fáa fólk eisini eftirløn av yvirtíðarlønini.

Lønarkarmurin er 7,84 prosent.

Ein partur fer til eftirlønina av yvirtíðini.

Eftirlønin hjá Føroya tele er 15,5 prosent, og hjá Posta er hon 15 prosent.