Uppskot um løgmann í seinasta lagi 3. januar

Kemur ikki uppskot um løgmann á tingfundinum 22. desember, skal tað í seinasta lagi koma 3. januar.

Tað sigur stýrisskipanarlógin.

Sambært henni skal nývalda løgtingið hava fund 22. desember kl. 10.

Tá skal valið 8. desember góðkennast, og tingið skal velja formann og formansskap.

Tingið velur løgtingsformannin uttan umrøðu ella nevndarviðgerð. 

Formansskapur

Tá formaðurin er valdur, tekur hann við alt fyri eitt og hevur fullar heimildir at skipa tingarbeiðið. 

Síðan tilnevna flokkarnir, uttan flokkurin, sum løgtingsformaðurin er í, eftir stødd tingfólk at vera fyrsti, annar og triði næstformaður.

Samráðingar um samgongu eru millum Javnaðarflokkin, Sambandsflokkin og Framsókn.

Aksel V. Johannesen er samráðingarleiðari.