Grundarlagið undir avgerð var skeivt

Landsdjóralæknin hevði ikki grundarlag fyri at nokta einum alara at seta út tvær milliónir smolt, sum hann søkti um.

Heilsufrøðiliga starvsstovan og landsdjóralæknin góvu bara loyvi til hálva aðru millión.

Tey vístu til lúsastøðuna.

Men Vinnukærunevndin, sum fekk kæru frá alaranum, kolldømdi hesa avgerð.

Advokaturin hjá alaranum segði, at hvørki rakstrarkunngerðin ella lúsakunngerðin geva Heilsufrøðiligu starvsstovuni og landsdjóralæknanum grundarlag til at skerja smoltútsetingina ein fjórðing.

Vinnukærunevndin sigur eisini, at í avgerðini hjá landsdjóralæknanum eru feilir og manglar, sum høvdu avgerandi týdning fyri, hvussu avgerðin hjá landsdjóralæknanum bleiv.