Tríggir fyribils aðalstjórar í landsfyrisitingini

Trý nýggj fólk eru fyribils sett at røkja starvið sum aðalstjóri í landsfyrisitingini, upplýsir Løgmansskrivstovan.

Nella Festirstein, deildarstjóri á lógartænastuni, er sett fyribils sum aðalstjóri í nýggja Lógar- og innlendismálaráðnum. Somuleiðis er Pól E. Egholm, deildarstjóri á vinnudeildini, settur fyribils sum aðalstjóri í nýggja Umhvørvismálaráðnum.

Rógvi Reinert, aðalstjóri í Fiskimálaráðnum

Rógvi Reinert gevst sum aðalstjóri í Fiskimálaráðnum. (Mynd: Bjarni Árting Rubeksen)

Rógvi gevst

Rógvi Reinert gevst sum aðalstjóri í Fiskimálaráðnum, har hann hevur verið aðalstjóri í 17 ár.

Fyrstu tíðina fer Rógvi at virka sum serligur ráðgevi í Fiskimálaráðnum, men eftir ætlan fer hann eisini at átaka sær aðrar uppgávur í landsfyrisitingini.

Elin Mortensen

Elin Mortensen verður fyribils aðalstjóri í Fiskimálaráðnum. 

Elin tekur við

Elin Mortensen, sendikvinna Føroya til Evropa Samveldið, er sett sum fyribils aðalstjóri í Fiskimálaráðnum.

Tey trý aðalstjórastørvini í Lógar- og innlendismálaráðnum, Umhvørvismálaráðnum og Fiskimálaráðnum verða lýst leys seinni í ár, sigur Løgmansskrivstovan.

Hoyr samrøðu, sum Hansa Hansen gjørdi við John Rajani, løgmansstjóra, í útvarpstíðindunum: 

John Rajani, løgmansstjóri

John Rajani, løgmansstjóri. (Mynd: Bjarni Árting Rubeksen)