Bíða eftir landingartørni í Fuglafirði

Seks skip landaðu svartkjaft til Havsbrún í síðstu viku.

Gøtunes hevði 1000 tons, Finnur Fríði 1700 tons, Høgaberg 1700 tons, Tróndur í Gøtu 2300 tons, Katrin Jóhanna 1675 tons og Arctic Voyager 1800 tons.

Havsbrún keypti tí 10.175 tons av svartkjafti fyrstu vikuna í árinum.

Í hesari vikuni hevur Borgarin landað 2100 tons, Birita 1550 tons, Norðingur 1850 tons, Vestmenningur 1800 tons, Jupiter 2100 tons, Ango 1300 tons og Hoyvík skal eisini landa til Havsbrún nú í vikuni.

Landstýrið 2022/23, Dennis Holm

Dennis Holm, landsstýrismaður í fiskivinnumálum, væntar, at kunngerðin um landingar uttanlands, verður lýst í hesi vikuni. (Mynd: Bjarni Árting Rubeksen)

Fáa meira enn 11.000 tons

Hesa vikuna keypir Havsbrún meira enn 11.000 tons av svartkjafti. Nógvi svartkjafturin ger, at skip noyðast at bíða í Fuglafirði eftir landingartørni. 

Kunngerðin, sum fer at loyva undantøkum at landa svartkjaft uttanlands eitt ávíst tíðarskeið, er í gerð í Fiskimálaráðnum.

Hon skal til hoyringar og eisini fyri á landsstýrisfundi.

Dennis Holm, landsstýrismaður, væntar, at kunngerðin verður lýst í seinnu helvt av hesi vikuni.