Ferðafólkaskattur verður royndarkoyrdur í Lofoten

Norski vinnumálaráðharrin, Jan Christian Vestre, báðaði í gjár frá, at nú fara fýra norskir býir at royndarkoyra eina skipan við ferðafólkaskatti. 

Lofoten verður ein av býunum. 

Royndarbýirnir kunnu íverkseta ferðafólkaskattin, ella vitjanarískoyti, sum stjórnin kallar tað, longu komandi summar.

Ferðafólkaskattur innførdur næsta ár

Norska stjórnin ætlar at innføra ferðafólkaskattin um alt landið næsta ár.

Tá skulu ferðafólk rinda eitt ískoyti til tænastur innan ferðavinnu, eitt nú gisting, skipaðar útferðir og minnislutir.

Ferðafólkaskatturin, verður gjørdur eftir skipan, sum er í øðrum londum, eitt nú Kroatia, Portugal og Sveis.

Ov nógv ferðafólk háárstíð

Sambært vinnumálaráðharranum hava Lofoten og onnur ferðamál í Noreg avbjóðingar í háárstíðini, tí ov nógv ferðafólk vitja har.

Norska TV2 skrivar, at kjakið um ein ferðafólkaskatt hevur koyrt í fleiri ár.

Umboð fyri Destination Lofoten siga somuleiðis, at tey leingi hava bíðað eftir einari slíkari skipan.