Tað siga tey um fíggjarlógina

Samgongan hevur størri frælsi at arbeiða, tí inntøkumetingin er 170 mió. kr. størri enn hjá undanfarnu samgongu, siga umboð fyri andstøðuna í fíggjarnevndini

Beinir Johannesen, formaður í Fólkaflokkinum og limur í fíggjarnevndini, Ruth Vang, landsstýriskvinna, og Magnus Rasmussen, limur í fíggjarnevndini.

Johnsigurd Johannesen

14.02.2023 - 14:03

Ruth Vang, landsstýriskvinna í fíggjarmálum, hevur lagt sítt fyrsta uppskot um fíggjarlóg fyri tingið.

Samgongan væntar, at avlopið í ár verður 141 milliónir krónur, ella 130 milliónir størri enn undanfarna samgonga metti í sínum fíggjarlógaruppskoti í heyst. Skotið verður eisini upp at minka ríkisveitingina 25 milliónir krónur í ár.

Umboðini fyri stóru andstøðuflokkarnar í Fíggjarnevndini siga, at tað at inntøkumetingin í hesum fíggjarlógaruppskotinum er 170 millónir størri enn í uppskotinum hjá undanfarnu samgongu, ger, at samgongan hevur størri frælsi at arbeiða.

Men bulurin í fíggjarlógaruppskotinum er tann, sum var lagdur í uppskotinum frá undanfarnu samgongu.

Hoyr samrøðu, sum Kári Mikkelsen gjørdi við Ruth Vang, landsstýriskvinnu, Magnus Rasmussen, sum umboðar Sambandsflokkin í Fíggjarnevndini, og Beinir Johannesen, formann í Fólkaflokkinum, sum eisini er limur í Fíggjarnevndini:

14022023_Figgjarlog_um_vidmerkingar