B36 fingið sína fyrstu forkvinnu

Fyri fyrstu ferð hevur B36 fingið forkvinnu.

Marita Debess Magnussen loysir av fyri Jákup Mørk, sum ikki stillaði uppaftur. Tað varð greitt eftir aðalfundin í gjárkvøldið.

Súsanna Maria Hansen verður verandi næstforkvinna.

Formaðurin, Jákup Mørk, kassameistarin, Símun Grønadal og nevndarlimurin, Høgni í Jákupsstovu tóku ikki við afturvali. Poul Rói Mohr, Sigurd Rasmussen og Marita Debess Magnussen bjóðaðu seg fram, og tey vóru einmælt vald av aðalfundinum.

Síðan skipaði nevndin seg við teimum báðum, Maritu Debess Magnussen og Súsannu Mariu Hansen, á ovastu rók. Dánjal Petersen er kassameistari, Sigurd Rasmussen er skrivari, Jóhann í Króki er umboð fyri ungdómsnevndina og Bogi Petursson Nielsen, Maj-Britt Hellisdal og Poul Rói Mohr eru nevndarlimir.

Roknskapurin varð eisini lagdur fram og vísti eitt lítið yvirskot.