Toblerone sleppur ikki at brúka fjallið

Tað gongur einki serligt við tí sveisiska sambandinum hjá sjokulátakubbunum Toblerone, síðani fyritøkan, ið framleiðir eyðkendu tríhyrningarnar, valdi at flyta úr Sveis til Slovakia.

BBC skrivar, at fyritøkan nú hevur fingið boð um, at hon sleppur ikki at brúka mynd av kenda sveisiska fjallinum Matterhorn á pakkitilfarinum.

Júst skapið av 4.438 metrar høga Matterhorn gav íblástur til skapið av sjokulátakubbunum.

Í Sveis hava tey síðani 2017 havt strangar reglur fyri vørur, har Sveis ella okkurt, sum hevur við Sveis at gera, verður brúkt. Í sambandi við framleiðslu av vørum, har mjólk er í, skal øll framleiðslan vera í Sveis.

Í fjør fekk Toblerone at vita, at orðini "sveisisk framleiðsla" ikki mátti brúkast longur.