Væntar semju um pengarnar úr Íleggingargrunninum

Hóast politisk semja ikki er um tað enn, so væntar Aksel V. Johannesen politiska undirtøku fyri at brúka pengarnar úr yvirtikna Íleggingargrunninum, helvt um helvt til at byggja út Vága floghavn og sum stovnsfæ í ein komandi Suðuroyartunnil.

Sambært løgmanni er mest sannlíkt, at tær útvið 700 milliónirnar, sum Íleggingargrunnurin í dag hevur ræði á, verða tiknar úr grunninum og latnar til hesar báðar verkætlanir.

- Men tað skulu vit nú finna politiska semju um, sigur løgmaður:

Íleggingargrunnurin, Mette Frederiksen og Aksel V. Johannesen og íleggingargrunnurin

Seinnapartin í gjár skrivaðu Mette Frederiksen og Aksel V. Johannesen undir ætlanaryvirlýsing, har sagt verður, at danska stjórnin vil virka fyri, at Íleggingargrunnurin kemur á føroyskar hendur 1. januar 2025.