Á Breddanum: Politiskt virksemi í Arktis

Skulu vit vera meiri virkin í Arktis? Og vita vit yvirhøvur, hvat vit vilja hava burturúr?

Nýggj gransking vísir, at vit gera lítið samanborið við Grønland og Danmark, tá ið røður um Arktis á parlamentariskum stigi.

Fleiri inngongdir eru til Arktiska ráðið uttan um landsstýrið. Eitt nú hevur útnorðurráðið eygleiðarastøðu í Arktiska Ráðnum.

Eisini kunnu løgtingsfólk seta landsstýrinum fyrispurningar um Arktis, men lítið og einki virksemi er á hesum økinum.

Líkt er til, at okkara fólkatingslimir eru tey, sum eru mest virkin í málum um Arktis.

Og tað er tí, at fólkatingið er meiri strategiskt í arktiskum málum, er niðurstøðan hjá Hallberu West, sum júst hevur almannakunngjørt grein um evnið. 

Vit tosa við føroysku fólkatingsumboðini og forkvinnuna í løgtinginum um Arktis, og orðaskifti verður í útvarpsstovuni millum samgongu- og andstøðulimir í uttanlandsnevndini.

Breddin í útvarpinum klokkan 10 og á kvf.fo.