Flestu skip til fiskiskap

Nú eru tey flestu fiskiførini farin útaftur eftir ringa veðrið, sum var.

Fiskamarknaðurin sigur, at eitt ísfiskalínuskip er norðanfyri, fýra frystilínuskip eru við Ísland, og fimm eru við Føroyar. 

Tey fiska tosk, hýsu, longu og brosmu. 

Um útróður verður sagt, at streymurin er harður, men batnar sum vikan gongur. 

Veðrið verður gott fyrst í vikuni, men meira ivasamt seinni í vikuni. 

Brúkiligt fiskarí

Fiskaríið hjá útróðrarbátunum er brúkiligt. Teir fáa mest hýsu, men eisini nakað av toski.

Ein djúpvatnstrolari er á Íslandsrygginum, og tveir fiska svartkalva. 

Allir partrolarar eru úti. Fiskaríið hjá teimum er misjavnt, sigur Fiskamarknaðurin. 

Tveir trolbátar eru á Skeivabanka, og tveir eru eystanfyri. Teir fiska havtasku.

Tveir eru norðanfyri og fiska av tosk og nakað av hýsu og longu. 

Tvey garnaskip fiska svartkalva, og eitt fiskar havtasku.