Sophie Løhde á almenna vitjan í Føroyum

Heilsumálaráðið veit at siga, at danski innanríkis- og heilsumálaráðharrin, Sophie Løhde, kemur á almenna vitjan í næstu viku.

Mánadagin skal hon á fund við Margit Stórá, landsstýriskvinnu í heilsumálum, har fleiri viðkomandi mál eru á skrá.

Eftir fundin í Heilsumálaráðnum verður skipað fyri rundvísing í nýggja H-bygninginum á Landssjúkrahúsinum, og vitjað verður í framleiðsluni hjá Apoteksverkinum.

Í sambandi við vitjanina í Føroyum fer Sophie Løhde eisini at vitja Ríkisumboðið.