5G: Nema bíðar eftir góðkenning frá Samsung

- Tað gongur rætta vegin, og vit leggja stórt trýst á tey. Í gjár søgdu tey, at tey fóru at koma við einum degi.

Tað sigur Gudny Langaard, stjóri í Nema, um Samsung og 5G.

5G verður ikki sett í gildi í Føroyum, fyrr enn Nema hevur fingið góðkenning frá Samsung.

Gudny Langgaard

Gudny Langgaard er stjóri í Nema.

Farnetið skift

18. januar segði Føroya tele í tíðindaskrivi, at verkætlanin hjá Føroya tele at skifta alt farnetið frá Huawei til Ericsson var komin á mál, og Nema var nú knýtt í sendistøðirnar. 

Í fyrstu atløgu hava kundar hjá báðum veitarunum atgongd til 4G, 3G og 2G, men ikki 5G, var sagt.  

Sambært samstarvsavtaluni millum Føroya tele og Nema, sum Kappingareftirlitið hevur góðkent, tendra veitararnir 5G samstundis. 

- So skjótt sum góðkenningin er komin frá Samsung, koma vit við einari fráboðan, sigur Gudny Langaard.

Nær tað verður, veit hon ikki.