Tórshavnar býráð letur 2,5 milliónir til Listasavnið

Tórshavnar kommuna fer at lata 2,5 mió. kr. til at framtíðartryggja og menna Listasavn Føroya. Helvtina næsta ár og hina helvtina í 2026.

Býráðið fer at viðgera málið í dag.

Sambært umsóknini um stuðul, sum kom 2. februar í ár, skal nýggjur serframsýningarbygningur byggjast á grundini hjá gamla Listaskálanum.

Nýggir hentleikar skulu gerast til vitjandi, serstakliga børn, meira pláss skal vera til savnið, og eitt hús við virksemi og skúlatænastum til børn og ung skal gerast. 

Kostar 60 milliónir

Verkætlanin kostar 60 mió.kr. 57,5 mió.kr. eru útvegaðar.

So Listasavnið hevur søkt kommununa um 2,5 mió.kr.  

Listasavnið søkti upprunaliga um 7,5 mió. kr. í stuðli.

Listasavn Føroya fær 200.000 kr. í árligum rakstrarstuðli frá Tórshavnar kommunu.