Toskastovnurin er søguliga lítil

Føroyski toskastovnurin er vorðin søguliga lítil, og hetta er helst úrslit av bæði ovurfiskiskapi og broytingum í havumhvørvinum.

Tað skrivar Havstovan á heimasíðini og vísir á, at týdningarmikið og avbjóðandi er at skyna millum hesar ávirkanir.

Tilgongd av ungfiski til ein fiskastovn er avgerandi fyri stovnstøddina, og tilgongdin til føroyska toskastovnin hevði høgar toppar í 1983, 1994 og í 2000, sum tó eisini vóru at síggja fyri 1980,

Men lægri toppar vóru í 1987, 2009 og 2017.

Havstovan skrivar, at lítil ivi er um, at toskastovnurin er sera illa fyri. Støddin á stovninum er á søguligum lágmarki, sum er undir 13.000 tons í 2023, og tískil má fiskiskapurin tálmast.

Tó eru tekin, sum geva vón um eina batnandi støðu hjá stovninum, skrivar hav.fo.

Les meira her.