Havnarstongsilin rakti ikki so meint sum væntað

Nettovinningurin hjá Runavíkar havn var stívar níggju milliónir krónur í fjør, slakar 260.000 kr. minni enn í 2022.

Eftir at færri russisk skip nú sleppa í føroyskar havnir, hevði Runavíkar havn væntað størri afturgongd í fjør, men onnur viðskiftafólk hjá havnini hava givið meira enn væntað.  

Í ár hava 22 ferðamannaskip boðað frá, at tey koma til Runavíkar.

15 hava boðað frá, at tey koma næsta ár.

Fyribils hava trý skip boðað frá, at tey koma í 2026 og tvey í 2027.

Nýggj orkubryggja skal gerast í Søldarfirði, og skipasmiðjan Mest skal gera turrdokk á Skála. 

Inntøkan frá russiska flotanum er tvær ferðir lakari í 2024 enn í 2023, tí havnarstongsilin helst fer at vera so leingi, álopini á Ukraina halda fram, verður sagt á heimasíðuni hjá Runavíkar kommunu.