Heimaflotin fær góð 20 prosent av makrelinum

Nú sæst svart á hvítum, hvussu nógvan makrel, heimaflotin hevur fingið.

Fiskivinnu- og Samferðslumálaráðið hevur gjørt eitt yvirlit um, hvørjar makrelkvotur heimaflotin hevur fingið, og hvørji skip hava fiskað hesar kvotur.

Í fjør fekk heimaflotin 29.287 tons, 22,1 prosent av kvotuni hjá føroyskum skipum.

Í 2022 fekk heimaflotin 31.620 tons, 20,4 prosent av heildarkvotuni, og í 2021 fekk heimaflotin 28.547 tons, 19,7 prosent av heildarkvotuni.

Í heimaflotanum eru línuskip, trolarar, trolbátar og garnaskip.