Hosufóðra kloakkir í Havn

Umvælingararbeiðið snýr seg um at hosufóðra kloakkirnar, so tær verða umvældar innanífrá.

Upp á tann mátan slepst undan at grava upp vegir, gongubreytir og annað.

Nakrar kloakkir í kommununi eru longu umvældar við hosufóðring seinnu árini, og tað hevur eydnast væl.

Í fjør var talan um einar 850 metrar av kloakkleiðing, sum vóru filmaðir og spulaðir, síðani fóðraðir, og at enda aftur filmaðir fyri at skjalprógva arbeiðið.