EM-rógving: Sverri akkurát ov stuttur til bronsuna

EM-rógving: Sverri akkurát ov stuttur til bronsuna
Sverri Sandberg Nielsen varð yvirhálaður á síðstu metrunum, og rakk akkurát ikki triðja plássið í EM-finaluni í einskullara
Sverri Sandberg Nielsen endaði á fjórða plássi í EM-finaluni í Ungarn
Mynd: Balint Czucz  
 
28.04.2024 - 14:20

Sverri Sandberg Nielsen gjørdist ov stuttur til heiðursmerki, tá hann róði EM-finalu í einskullara í Ungarn sunnudagin.

Miðvingurin lá leingi á triðja plássi aftanfyri grikkan, Stefanos Ntouskos, sum var nummar tvey, og týskaran, Oliver Zeidler, men á síðstu metrunum varð hann yvirhálaður av Giedrius Bieliauskas úr Litava, sum fór avstað við bronsuni.

Sverri Sandberg Nielsen var góð seks sekund aftanfyri Oliver Ziedler, sum vann við tíðini 7,38.47. EM-luttøkan er liður í fyrireiking til OL í París, har 30 ára gamli miðvingurin hevur vunnið sær pláss. 

 

Zoe Dickson rakk ikki OL-plássi

Fleiri føroyskar kvinnur hava gjørt vart við seg í danskara rógving síðstu árini, og Zoe Elisabeth Dickson róði eisini í Ungarn í EOPQR-regatta-kappingini, sum kundi tryggja henni og Marie Mørch, sum hava róð saman í tríggjar mánaðir, OL-pláss. 

Tað eydnaðist kortini ikki. Tær báðar endaðu á triðja plássi.

 


Zoe Elisabeth Dickson (t.v.) og Marie Mørch endaðu nummar trý  í EOPQR-regatta-kappingini og fingu sostatt ikki OL-pláss. MYND: roning.dk
Er kopiera
Nýggjastu sendingar í ÚV
Hósdag 18. juli
Morgunlestur hósdagur 18. juli 2024
177836
Mikudag 17. juli
Morgunlestur mikudagur 17. juli 2024
177835
Týsdag 16. juli
Morgunlestur týsdagur 16. juli 2024
177834
Mánadag 15. juli
Biltúrurin 5: Koyrt verður í Havn
176612
Nýggjastu sendingar í SV
Týsdag 16. juli
Veðrið
178118
Mánadag 15. juli
Hin rusuti á Aconcagua (3:10)
177771
Leygardag 13. juli
Føroyar - Montenegro (2-1)
178016
Leygardag 13. juli
Landsdystur: Føroyar - Montenegro
178015