Dreymurin um bygdarsavn blívur veruleiki

Skjótt 75 ára gamli Grækaris Joensen í Kvívík, sum hevur tikið stig til nýstovnaða fornminnisfelagið í Kvívík.

Í 2001 stovnaði Grækaris Joensen ein grunn, hvørs endamál var at varðveita bygdarsøguna í Kvívík, tí í mong ár hevur hann savnað saman lutir, sum á ymiskan hátt siga søguna um Kvívík og lívið, sum har hevur verið.

Nú fornminnisfelagið er stovnað, er grunnurin avtikin.

Grækaris Joensen fegnast um nýggja fornminnisfelagið, og at tað nú verður møguligt hjá kvívíkingum at fáa eitt veruligt bygdarsavn.

- Hetta hevur altíð havt mín áhuga. Foreldrini áttu nógv gomul ting, og tað var nakað, mann ofta prátaði um eisini, sigur Grækaris Joensen, sum hevur smíðað og umvælt ein stóran part av lonini, sum eftir ætlan skal verða bygdarsavn summarið 2025.

Tey, ið mannað nevndina í nýstovnaða fornminnisfelagnum, eru Ari Johanneson, Tórarinn á Rípuni, Nelly H. Debes, Hildigunn Joensen og Guðrið Holm.