Netanyahu fordømir boð um handtøku

Ísraelski forsætisráðharrin, Benjamin Netanyahu, fordømir ætlanirnar hjá altjóða revsirættarliga ómstólinum, ICC, at hava handtøkuboð útskrivað ímóti sær. ICC vil eisini hava handtøkuboð útskrivað ímóti Hamas-leiðaranum, Yahya Sinwar.

ICC sigur, at hesir báðir hava framt krígsbrotsverk í stríðnum í Gaza, skrivar bretska kringvarpið BBC.

Netanyahu fordømir "andstyggiligu ætlanirnar", sum hann málber seg, og at demokratiska landið Ísrael á henda hátt verður samanborið við hópdrápsfólk, sigur hann.

Fær stuðul frá Biden

Amerikanski forsetin, Joe Biden, tekur undir við útsøgnini hjá ísraelska forsætisráðharranum. Hann sigur, at hesi ikki kunnu samanberast.

Karim Khan, sum er høvuðsákæri hjá ICC, sigur, at tað eru rímiligar orsøkir at halda, at Netanyahu og verjumálaráðharrin, Yoav Gallant, hava ábyrgdina av krígsbrotsverkum og brotsverkum, sum eru framd móti mannaættini í Gaza.

Hvørki Ísrael ella USA, sum er høvuðssameindi hjá Ísrael, eru limir í altjóða revsirættarliga sómstólinum, sum varð skipaður í 2002.