Fleiri í snarskipanini í vár

166 brúktu snarskipanina, fast track, til at søkja um arbeiðs- og uppihaldsloyvi í Føroyum til 1. mai í ár.

Tey vóru 179 til 1. mai í fjør.

Bjarni Kárason Petersen, landsstýrismaður, hevur svarað Eiriki í Jákupsstovu, løgtingsmanni, sum spurdi um mars og apríl í snarskipanini í ár og í fjør.

Í fjør vóru 68 umsóknir í mars og apríl.

Í ár vóru tær 78.

Óvanliga nógvar umsóknir vóru í februar í fjør, 79.

SIRI, Styrelsen for international rekrutering, veit ikki, hví so er.

Alt árið 2023 brúktu 404 fólk snarskipanina fyri fyrstu ferð.  

Eirikur í Jákupsstovu sigur, at tað hevur verið nevnt, at arbeiðsgevarar møguliga hava fingið útlendingar, sum ikki eru í fakfelag, til Føroya at arbeiða beint fyri verkfallið.