Danmark misti stig - Ongland lítið sannførandi í sigri

Danmark misti stig - Ongland lítið sannførandi í sigri
Danmark var á odda ímóti Slovenia, men misti leiðsluna seint í dystinum, meðan Ongland helt fast, men var lítið sannførandi, í teprum sigri á Serbia
Christian Eriksen fegnast um sítt mál ímóti Slovenia, sum kortini fekk javnað seinni
Mynd: Damien Meyer/AFP/Ritzau Scanpix  
 
16.06.2024 - 22:34

Leingi sá út til, at Christian Eriksen hevði tryggjað Danmark øll stigini ímóti Slovenia á Stuttgart Arena í dag.

Royndi miðvallarin legði danir framum við góðum skoti, tá 17 minuttir vóru spældir av fyrra hálvleiki, men slovenar treiskaðust, og Erik Janža javnaði, tá lítið korter var eftir at spæla.

 

Ongland lítið sannførandi í teprum sigri

Ein av EM-favorittunum, Ongland, legði frá landi í dag ímóti Serbia.

Tað gekk eftir ætlan hjá onglendingum frá byrjan. Bert 13 minuttir vóru spældir, tá Real Madrid-stjørnan Jude Bellingham skallaði eitt innlegg frá Bukayo Saka í netið úr stuttari frástøðu.

Serbia hevði kortini ongan hug at geva skarvin yvir, og stríddu seg inn aftur í dystin. Teir spældu seg til vandamiklar støður og vildu eisini hava brotsspark, men Ongland helt fast, og fekk øll stigini við neyð og deyð.

 

Holland vendi hóttandi tapi til sigurs

Fyrsti dysturin í dag var ímillum Holland og Pólland. Póllendingar, sum máttu vera skadda Robert Lewandowski fyri uttan, tóku leiðsluna við máli frá avloysaranum á fremsta plássi, Adam Buksa, í 16. minutti.

Hollendingar fingu kortini vent dystinum. Cody Gakpo javnaði fyri steðgin, og sjey minuttir fyri leiklok skoraði Wout Weghorst sigursmálið fyri Oranje. 

 


Málskjúttarnir hjá Hollandi, Cody Gakpo og Waut Weghorst, fegnast um sigurin á Póllandi í dag. MYND: Gabriel Bouys/AFP/Ritzau Scanpix
Er kopiera
Nýggjastu sendingar í ÚV
Fríggjadag 19. juli
Morgunlestur fríggjadagur 19. juli 2024
177837
Hósdag 18. juli
RagnarRokk 18.juli 2024
176485
Hósdag 18. juli
Morgunlestur hósdagur 18. juli 2024
177836
Nýggjastu sendingar í SV
Fríggjadag 19. juli
Óli Mittún og Eivør Pálsdóttir
178182
Týsdag 16. juli
Veðrið
178118
Mánadag 15. juli
Hin rusuti á Aconcagua (3:10)
177771
Leygardag 13. juli
Føroyar - Montenegro (2-1)
178016
Leygardag 13. juli
Landsdystur: Føroyar - Montenegro
178015