Yambere avgjørdi í evstu løtu

Yambere avgjørdi í evstu løtu
Tað sá svart út hjá KÍ, sum spældi við 10 monnum, tá EB/Streymur legði seg framum, men við tveimum málum - hitt seinna í evstu løtu, avgjørdi Cedric Yambere dystin fyri KÍ
Cedric Yambere var stóra hetjan hjá KÍ við Margáir, har hann skoraði tvær ferðir
Mynd: Leit  
 
16.06.2024 - 18:03

Við málið í evstu løtu avgjørdi miðverjin Cedric Yambere dystin við Margáir, har KÍ við neyð og deyð tryggjaði sær trý stig ímóti EB/Streymi.

Tað sá einki serligt út hjá meistarunum, sum tá spældu við 10 monnum, tá Emil Weihe Joensen sendi heimaliðið framum við fløtum skoti av brotsteigarmarkinum.

Men fyrst javnaði Cedric Yambere eftir fríspark úr høgru, og tá tey flestu høvdu sligið seg til tols við javnleik, var stóri miðverjin aftur upp á spæl og setti flatt innlegg úr vinstu í netið.

 

Ivasom útvísing

Issah Ahmed Latif fekk sítt seinna gula kort og varð útvístur fyri steðgin, tá dómarin, Rúni Gaardbo, metti, at bakkurin kastaði seg í eini roynd at vinna brotsspark. Myndirnar vístu, at tað helst átti at verið brotsspark í staðin.

Eftir avgerandi málið fekk innskifti Jákup Vilhelmsen reytt kort eftir harðan luftdyst við ein hjá heimaliðnum. Hetta kostar leikbann, sum KÍ illa hevur ráð til undan dystinum ímót HB næsta vikuskifti. Seks stig skilja framvegis KÍ frá HB og Víkingi fremst í deildini.

 

Runavíkingar ongar trupulleikar av ÍF

Fuglfirðingar løgdu bragdliga fyri ímóti NSÍ í Fløtugerði, men so líðandi vaknaði útiliðið. Meinhard Debes Geyti legði NSÍ framum beint fyri steðgin, og í seinna hálvleiki øktu Steffan Løkin og Petur Knudsen.

ÍF hevur framvegis bert trý stig niðast í deildini, meðan B68 og EB/Streymur hava sjey. Runavíkingar liggja einsamallir á 4. plássi við 22 stigum. Átta stig eru upp til KÍ, og fimm niður til B36. 

 

Er kopiera
Nýggjastu sendingar í ÚV
Mánadag 13. januar
Dreymsótt 13.partur (13:16)
186254
Mánadag 13. januar
Dreymsótt 12.partur (12:16)
186253
Mánadag 13. januar
Húsbóndin í gulu húsunum
186239
Mánadag 13. januar
Orðaval #8 - jól og veður
186210
Mánadag 13. januar
Góðan morgun Føroyar
186207
Nýggjastu sendingar í SV
Mánadag 13. januar
Við Gutta á fjalli - teknmálstulkað
186212
Mánadag 13. januar
Bragdið í Berlin
186209
Mánadag 13. januar
Hansina - teknmálstulkað
186205
Sunnudag 12. januar
Guðstænasta úr Vestmanna kirkju
186190
Leygardag 11. januar
Nýggjárskonsertin 2025
186182