- Tíðindi, mentan og ítróttur
Champions League: KÍ fekk mótstøðulið úr Luksemborg
Champions League: KÍ fekk mótstøðulið úr Luksemborg
Klaksvíkingar skulu spæla Champions League-fótbólt ímóti Differdange í Luksemborg. Tað er greitt eftir lutakastið í Nyon
KÍ skal spæla ímóti Differdange í Luksemborg í 1. umfari av Champions League
18.06.2024 - 13:13
KÍ skal spæla ímóti Differdange úr Luksemborg í fyrsta umfar í Champions League.
Tað er greitt eftir lutakastið í Nyon, sum var fyri løtu síðan.
KÍ fekk heimadyst fyrst, og tað merkir, at antin 9. ella 10. juli vitjar Differdange við Djúpumýru, áðrenn KÍ spælir í Luksemborg antin 16. ella 17. juli.
Dystardagarnir og klokkutíðir verða kunngjørdar fríggjadagin.
Differdange hevur ikki spælt seg víðari í evropeiskum fótbólti síðan 2015, so á pappírinum tykist talan vera um gott lutakast fyri KÍ.
KI_LUTAKAST
Er kopiera
Nýggjastu sendingar í ÚV
