Thor 64 milliónir í vinningi í fjør

Reiðaríið Thor hevði 64 milliónir krónur í vinningi í fjør, skrivar vp.fo.

Sølan vaks úr 394 upp í 459 milliónir krónur.

Úrslitið var eisini væl betri. Eftir skatt var úrslitið í fjør 64 milliónir krónur. Í 2022 varð úrslitið 40 milliónir krónur.

Thor, sum hevur heimstað í Hósvík, fæst við frálandavinnu, fiskivinnu og sølu av fiskaúrdráttum.

Fíggjarstøðan hjá Thor-samtakinum javnvigaði við 764 milliónum krónum, og eginognin var 309 milliónir krónur, skrivar vp.fo. 

Hans Andrias Kelduberg og Per Lund Gulklett eru stjórar.