Líggjas framúr byrjan í norðurlendsku ungdómsmeistarakappingini

Líggjas Joesen hevur vunnið norðurlendskt gull fyri ung í 200 metra frísvimjing á langgeil.

Svimjarin úr Ægir, sum er føddur í 2008, setti samstundis nýtt føroyskt juniormet við tíðini 1,53.14. Tað skrivar svimjing.com.

Troy Sevonen úr Svøríki varð nummar tvey, meðan íslendingurin Magnús Viðir Jónsson endaði á bronsuplássinum.

Líggjas Joensen átti sjálvur gamla juniormetið, og er næstskjótasti føroyingur yvirhøvur á hesum teininum. Skjótastu er Pál Joensen, sum eigur føroyska metið við tíðini 1,48.98.