Havnar Arbeiðskvinnufelag skal vera sjónligari

Havnar Arbeiðskvinnufelag skal vera sjónligari bæði millum limirnar og úti í samfelagnum. Tað ætlar nývalda forkvinnan, Ruth Boetius.

Hon varð vald á aðalfundinum í gjár við stórum meiriluta. Stríðsval var um forkvinnusessin, eftir at Vígdis Johannesen boðaði frá, at hon ikki stillaði upp aftur eftir meira enn 30 ár sum forkvinna.

Tað vóru Ruth Boetius og Katrin Højgaard, sum bjóðaðu seg fram at stjórna Havnar Arbeiðskvinnufelag. Katrin Højgaard varð vald í nevndina, og Ruth Boetius er nú forkvinna.