Melin í Saksun friðað

Frá á midnátt eru Melin og bakkin oman fyri Lónna í Svaráhaga í Saksun friðað.

Tað merkir, at ikki er loyvt at ferðast og at dvølja í økinum.

Tað er ikki loyvt at gera intriv, sum kunnu broyta náttúruumhvørvið, so sum at byggja, grava, velta ella taða í økinum. Tað er heldur ikki loyvt at taka plantur, plantupartar, sand og grót úr økinum.

Friðingin er gjørd við heimild í nýggju náttúruverndarlógini.

Tað er Ingilín D. Strøm, landsstýriskvinna, ið hevur sent út kunngerð um friðingina, sum kemur í gildi á midnátt.