Sverri í fjórðingsfinalurnar uttan trupulleikar

Sverri í fjórðingsfinalurnar uttan trupulleikar
Sverri Sandberg Nielsen vann sín bólk í innleiðandi einskullararóðrinum sannførandi og skal rógva fjórðingsfinalu týsdagin
Ryggurin helt, og Sverri Sandberg Nielsen hevði ein lutfalsliga róligan dag á OL-vatninum
 
27.07.2024 - 09:46

Sverri Sandberg Nielsen fekk góða byrjan upp á Olympisku leikirnar, tá hann vann sín bólk í innleiðandi einskullararógvingini í morgun.

Miðvingurin hevur verið darvaður av ryggskaða síðstu vikuna, men í fyrsta OL-róðrinum hevði hann væl og virðiliga nóg mikið til at rógva seg í fjórðingsfinalurnar, sum vera týsdagin.

Sverri Sandberg Nielsen hevði tamarhald á róðrinum allar 2000 metrarnar, og kom um mállinjuna við tíðini 06:53.50. Bulgarin Kristian Vasilev (06:56.63) og Bendeguz Pal Petervari Molnar úr Ungarn (06:58.76) komu á mál ávíkavist nummar tvey og trý og skulu saman við føroyinginum í fjórðingsfinaluna.

Hollendarin, Simon Von Dorp, sum róði í bólki 3, hevði bestu tíðina fyrrapartin. Hann róði teinin upp á 06:49.93. Annars vóru vinnaratíðirnar úr hinum fimm bólkunum lutfalsliga javnar og skulu altíð takast við fyrsivarni.

Næsti róðurin við føroyskari luttøku verður ólavsøkudag. Tá skal Sára Maria Johansen og danski áttarin rógva innleiðandi umfarið.

 

Er kopiera
Nýggjastu sendingar í ÚV
Fríggjadag 22. august
RagnarRokk: Maik Weichert um Heimat
194233
Fríggjadag 22. august
Morgunlestur fríggjadagur 22. august 2025
195629
Hósdag 21. august
Morgunlestur hósdagur 21. august 2025
195628
Nýggjastu sendingar í SV
Hósdag 21. august
Veðrið
195855
Mikudag 20. august
Dagur og vika - teknmálstulkað
195799
Týsdag 19. august
Veðrið
195771
Týsdag 19. august
Dagur og vika við 3-2 - teknmálstulkað
195740
Mánadag 18. august
3-2 (18. august 2025)
195726