Ingilin D. Strøm fer ikki at steðga ætlanini um vindmyllulund á Sandi

Landsstýriskvinnnan við ábyrgd av umhvørvi og orku fer ikki at steðga ætlanini at seta upp eina vindmyllulund í Klivaløkshaga á Sandi, hóast hon sigur seg skilja atfinningarnar móti lundini. 

Ingilín D. Strøm heldur seg til metingina hjá Umhvørvisstovuni, hóast fuglakøni Silas Olofson staðiliga heitir á myndugleikarnar um at sleppa ætlanini.

- Vit skulu verja okkara nátturu, men vit skulu eisini fremja grøna orkuskiftið. Tí er hetta ein trupul tvístøða, sigur landsstýriskvinnnan við ábyrgd av umhvørvi og orku.