Umhvørvismálaráðið ger av, hvør sleppur at kæra vindmyllulund

Umhvørvismálaráðið ger av, hvør sleppur at kæra vindmyllulund
Tað er ivasamt, hvør kann kæra góðkenningina av umhvørvisárinsmetingini hjá SEV av Klivaløkshaga. Tað er Umhvørvismálaráðið, sum ger av, hvørjar kærur takast við
Vindmyllulundin í Klivaløkshaga
Mynd: SEV  
 
07.08.2024 - 18:00

Kærufreistin av góðkendu umhvørvisárinsmetingini, sum SEV hevur gjørt, er komandi fríggjadag.

Vindmyllulundin í Klivaløkshaga er partur av útbyggingarætlanini, sum SEV, Kommunufelagið og landsstýrið kunngjørdu í aprílmánaði.

Men tað er ivasamt, hvør kann kæra góðkenningina av umhvørvisárinsmetingini hjá SEV av Klivaløkshaga. Tað er Umhvørvismálaráðið,sum ger av, tá kærurnar eru komnar inn, um kæran skal takast við ella ikki.

 

Fólk hava møguleika at kæra

Landsstýriskvinnan í umhvørvismálum, Ingilín Didriksen Strøm, vísti fyri góðari viku síðani á møguleikan hjá fólkum at kæra góðkendu umhvørvisárinsmetingina hjá SEV. 

Kærufreistin er, sum sagt, komandi fríggjadag, og kærast skal til landsstýriskvinnuna í umhvørvismálum. 

Kærurætt hava einans tey, sum avgerðin hevur ein serstakan, beinleiðis og persónligan týdning fyri. Og, sambært Hilmari Høgenni, deildarstjóra í Umhvørvismálaráðnum, verður mett í hvørjum einstøkum føri, hvørji hesi eru. 

 

0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 

 

Er kopiera
Nýggjastu sendingar í SV
Hósdag 5. juni
Fótbóltur: Georgia - Føroyar
192885
Mikudag 4. juni
KAKUMiKS (5:7) - teknmálstulkað
192833
Mikudag 4. juni
Dagur og vika - teknmálstulkað
192827
Týsdag 3. juni
Veðrið
192798