Venjarakarrusellin hjá ÍF koyrir víðari

ÍF boðar nú frá, at venjarin, Jákup Martin Joensen, hevur sagt seg úr starvinum. 

Sambært ÍF, so følir Jákup Martin Joensen ikki, at hann hevur meira at geva felagnum.

Avgerðin kemur eftir, at ÍF á heimavølli í gjárkvøldið fekk ein syngjandi 0-6-lúsing frá oddaliðnum Víkingi.  

Jákup Martin Joensen tók við venjarastarvinujm í ÍF eftir at Aleksandar Jovevic varð uppsagdur, tá fimm dystir vóru leiktir í ár. 

Ólavur Larsen tekur yvir

ÍF hevur gjørt avtalu við Ólav Larsen um at taka sær av besta liðnum restina av kappingarárinum. Christian Høgni Jacobsen verður hjálparvenjari, Jákup Mikkelsen, málmansvenjari. Heri Johnsson, vøddaviðgeri, og Heðin Olsen, sum heldur fram sum kroppsligur venjari. 

ÍF hevur trý stig eftir 17 umfør og liggur langt aftast í bestu fótbóltsdeildini við monnum. Sjey stig eru upp til níggjunda plássið.