Um 60.000 lundapør í Mykinesi, kanska fleiri

 - Tað stendur væl til. Tað, vit síggja, er, at síðan 2017 er vend komin í, og vit síggja, at tær fyrstu pisurnar, sum komu undan tá, nú eru byrjaðar at taka land aftur og byrja at reiðrast sjálvar.

 

Tað sigur Silas Olofson, fuglaserkønur, sum seinastu tíðina hevur kannað fuglalívið í Mykinesi.

 

Tað eru sjálvandi umstøðurnar í náttúruni, sum hava sína ávirkan á lundastovnin, sum sambært metingunum er upp á 60.000 lundapør, ella kanska enn meira, beint nú.

 

Gøtan út í hólman hevur verið stongd síðan 2021 og sambært Silasi Olofson hevur tað ávirkan, at gøtan er stongd, tí fuglurin fær frið. Og tað hevur við sær, at fuglurin nú eigur kring allan hólman, sigur hann.

 

Hoyr innslagið, sum var í tíðindasendingini klokkan 18 sunnukvøldið.

 

Silas_um_fugl_i_Mykinesi