Sjey prosent av barnakonum royktu í fjør

Tað svarar til sjey prosent. Tølini eru grundað á fráboðanir frá ljósmøðrum.

Tað sigur landslæknin í nýggjastu heilsulýsing síni.

15 av mammunum vildu ikki upplýsa, um tær royktu ella ikki.

Í 2022 søgdu 44 av 621 barnakonum seg vera roykjarar, tá ið tær vóru til fyrstu barnakanning. Tað svarar til 7,1 prosent. Og tá vildu átta teirra ikki siga, um tær royktu ella ikki.

Í fjør var miðalburðarvektin hjá børnum, har mamman segði seg roykja, tá ið hon var til fyrstu barnakonukanning, 3532 gram.

Hjá teimum, sum ikki royktu, var miðalburðarvektin 3664 gram. Tað vil siga, at børn hjá mammum, sum royktu, vigaðu í 2023 í miðal 121 gram ella 3,3 prosent minni enn børn hjá mammum, sum ikki royktu.

Nýggjasta heilsulýsingin hjá landslækanum kann lesast her

https://landslaeknin.stps.dk/Media/638624321412179298/Heilsul%C3%BDsing%202024.pdf