- Tíðindi, mentan og ítróttur
50 fólk deyð og fleiri enn 300 særd í Libanon
50 fólk deyð og fleiri enn 300 særd í Libanon
Ísrael leyp aftur í morgun á mál hjá Hezbollah.
Ísrael søkti í morgun at málum hjá Hezbollah í Libanon.
Mynd: AFP/Ritzau Scanpix
23.09.2024 - 13:50
50 fólk hava latið lív og fleiri enn 300 eru særd, eftir at Ísrael í morgun leyp á mál hjá Hezbollah í Libanon.
Tað sigur suðurlibanska heilsumálaráðið.
Fleiri sjúkrahús hava avlýst ætlaðar skurðviðgerðir, so skurðstovurnar í staðin kunnu taka ímóti særdum eftir ísraelska luftálopið mál í suður- og eysturlibanon í morgun.
Myndugleikarnir upplýsa samstundis, at allir skúlar í økinum, har álopini eru, eru stongdir í minsta lagi tveir dagar.
- Meira enn 300 mál hjá Hezbollah eru álopin, stendur í fráboðan frá leiðsluni hjá ísraelska herinum.
Benjamin Netanyahu.
Netanyahu ávarar
Undan ísraelska luftálopinum í morgun, ávaraði ísraelski forsætisráðharrin Benjamin Netanyahu Hezbollah:
- Seinastu dagarnar hava vit rakt fleiri mál hjá Hezbollah, sum rørslan ongantíð hevði ímyndað sær. Um Hezbollah ikki hevur skilt boðskapin, so lovi eg tykkum, at tað fara tey at gera, segði Benjamin Netanyahu í einum sjónbandabroti, sambært Reuters.
Petur Petersen
Hoyr samrøðu við føroyska sendimannin í Ísrael, Petur Petersen, í útvarpstíðindunum:
23092024_Petur_Petersen
Er kopiera
Nýggjastu sendingar í ÚV
Nýggjastu sendingar í SV
